Bes jetz hät hä in foljende Fijuren en d´r Bütt jestande .:
En Putzfrau
En Zemmervermederin
Ne Bürotrottel
Ne Stellungslose
Ne Kurjaß
Ne Naakswächter
Ne Kellner
Ne kölsche Jung

Ich jrüß Euch all von fern un nah,
von Neppes bes Amerika,
d´r liebe Jung is widder da !

Vun drussen vum Wald do kumm ich her
ich muß Üch sare, he stink et schwer,
no Ruuse, Tulpe un Narzisse,
Saht wor dä Sommer nit be.........

Wochelang nur Kält un Rään
sujet han mer jarnit jähn.
Kaum einer wollt vun singer Heimat mie jet wesse,
all sinn se no Malorka usjerisse.
Nur ich ich kunnt ming Muttersproch nit messe.
Ich bruche Kölle, Kölsch un kölsche Klaaf,
dropp rofen ich us jetz Kölle Alaaf!

Als kölsche Jung well ich üch sare,
kann ich fast alles met Humor erdrare,
doch sare ich op mig Ihr, met demm Humor fällt dat och mänchmol schwer !
Wenn uns Politicker meinen, se künnten ne kölsche Jung veruuze,
dann krijen die vun mir ens richtich Knuutze !
En Koh, die mer melke will, die muß mer och versorje, söns es et us am nöchste Morje.
Wer uns de letzte Jrosche för ze levve nimb, demm trecke mir dann us sing Himb.....................................................................usw.

Ausschnitt vun minger Red 99/2000

Als kölsche Jung well ich Üch sare,
Ich dät et jo och jähn ens wahre,
als Prinz am Ruusemondach metzefahre.
Doch eins steit feß, Prinz Ralf es kaum ze schlare.

Nä su jet dat wor noch nit do,
e Dreijestehn wie en dissem Johr,
dat wor ne eschte Hauptjewinn,
wo soll mer met der Freud all hinn.
Die rühmten met ahl Socken op,
stellten esu mänche Sitzung op d´r Kopp,
die nohmen met wat nit jrad niet un narelfes,
selfs wenn et en Prinzessin es.

En Düsseldorf herscht jroße Not,
d´r Prinz dä kom do vill ze koht.
En Kölle kom im sing Prinzessin fott,
hä fuhr dodrup nohus janz flott,
un leht dat Mädche später holle.

En Düsseldorf laht hä se ahn de Kett,
dä Jäck dä hat jemeint dat nötz im jet.
Uns Dreijestehn stohl im de Schau,
die refen Alaaf anstatt Helau
un nohmen dann em Sturm dä Bau.
se han dä Dörfler ens jeliert,
wie mer ze Kölle Fastelovend fiert.
drömm wor do mänch einer pickiert.

Doch sach ich Üch,
mir Kölsche lieben unsre Feinde,
dröm dun mer Düsseldorf jetz enjemeinde.

Fritz Specht, Bockemsweg 1b, 53804 Much, Tel. 02245-914080, Fax. 0721-151502330, E-mail: fritzf@ne-koelsche-jung.de