Ich jrüß euch all von fern und nah
von Nippes bis Amerika
d´r liebe Jung es widder da!
Esu fängk ming Red em alljemeine ahn. Dat schöne es, selvs wenn die Lückscher em Saal mich noch nie jesinn hann, fangen se dann ahn ze laache un klatsche, un dann mäht et mir jlich
noch vill mie Spaß mingen Vördrach ze halde. Wenn dann de Musik noch metspillt un öntlich Tätä, Tätä, Tätä mäht, kann fast jarnix mie scheif jonn. Et sei denn, ich hät ens widder mingen Text verjesse, wie mer dat vür etliche Johre ens
passeet es. Dann es allerdings alles ze spät, un deshalv tredde ich nie mie ohne mingen Text en d´r Hand op.
Dat süht zwar op der eine Sigg vieleich jet komisch us, evver mer hann jo Karneval un jet jeck sinn mer jo och all. Allerdings
muß mer och berücksichtije, dat ming Vördräch immer janz aktuell sinn, also mietsten nit älder als e paar Stunde. Usserdem versöke ich immer enne tirekte Bezuch zur betreffende Veranstalltung, Verein oder Persohn herzestelle, indemm ich
mer vürher e paar informatione enholle. Dat mäht zwar jet mie Arbeit evver et mäht mir un dem Publikum Spaß, un dat es doch am Engk et wichichste. Op die Tuur jit et en jedem Johr en janze Hääd Versionen vun mingem Vördrach, die ich
natürlich nit all he widderjevve kann. Ävver et es immer dä am alljemein jültichste un ich hoffe nur hä kütt bei üch jenau esu jot ahn wie söns bei mingem Publikum.
Ich dät mich ärch freue wenn Ihr mer Ühr Meinung en et Jästebooch
schriven dät. Ejal ov et Üch jefallen hät oder nit. Ich ben für jede Ahnrejung dankbar.
Un jitz vill Spaß beim lesse !
Vördrach 2001
Vördrach 2002
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Fritz Specht, Bockemsweg 1b, 53804 Much, Tel. 02245-914080, Fax. 0721-151502330, E-mail: fritzf@ne-koelsche-jung.de